ახალი თაობის Mercedes-Benz A-Class-ის პირველი გამოსახულება გავრცელდა



ინტერნეტ-საიტმა Autoblog-მა ახალი, მესამე თაობის Mercedes-Benz A-Class-ის პირველი ოფიციალური ფოტო გამოაქვეყნა. სიახლის პრემიერა მიმდინარე წლის 20 აპრილს შანხაის ავტოშოუზე გაიმართება.ავტომობილი გარეგნულად კომპანიის ახალ საფირმო სტილში იქნება გადაწყვეტილი და ამავდროულად მიიღებს დამატებით შტრიხებს ჯერ კიდევ 2010 წლის ჟენევის მოტორშოუზე წარმოდგენილი კონცეპტის – F800 Style-ის დიზაინის ელემენტებს.

ადრე გავრცელებული ინფორმაციით, A-Class მიიღებს ახალ მოდულირებულ პლატფორმას და ჩაანაცვლებს ამჟამინდელ ე.წ. “სენდვიჩის” მძიმე კონსტრუქციას.

ავტომობილის სერიული ვერსია ხელმისაწვდომი იქნება ორი სახით: სამკარიანი და ხუთკარიანი ჰეჩბეკის ვარიანტებად. სიახლე ასევე გამოვა “დამუხტული” მოდიფიკაციით, რომელიც ტრადიციულად ატელიე AMG-ის მიერ იქნება წარმოდგენილი. ყველაზე მძლავრი Mercedes-Benz A-Class აღიჭურვება 320 ცხენისძალიანი ორლიტრიანი ტურბოძრავით და სრული აძვრის სისტემით.

ჩვეულებრივი მოდელები კი ამჟამინდელ 1,5, 1,7 და 2,0 ლიტრიან ბენზინისა და დიზელის აგრეგატებს არ გამოიყენებს და მათ ჩაანაცვლებს ახალი ძრავები, რომლებიც კონცერნ Daimler-ის ფრანგულ-იაპონურ Renault-Nissan-ის ალიანსთან თანამშრომლობით შემუშავდა.



Loading...

ტექსტის სანახავად გაიარეთ რეგისტრაცია.