“Opel” 2013 წელს ახალ კაბრიოლეტს გამოუშვებს



2013 წელს კომპანია ოპელიახალ კაბრიოლეტს გამოუშვებს. მის შექმნაზე მუშაობის დაწყების შესახებ კომპანიამ ოფიციალური განცხადება 25 თებერვალს გაააკეთა. ავტომანქანა ბაზარზე კიდევ ერთ ახალ ავტომობილთან ერთად მოხვდება. ეს კომპაქტური საქალაქო ავტომობილი იქნება.

ახალი კაბრიოლეტის სახელწოდება და მასზე დაწვრილებითი ინფორმაცია ჯერჯერობით უცნობია.

“ოპელში” მხოლოდ იმას აკონკრეტებენ, რომ იგი იმავე პლატფორმის მიხედვით შეიქმნება, რომელზეც “ასტრას” ჯგუფის ავტომობილები არის შექმნილი. მისი აწყობა პოლონეთის ქალაქ გლივიცაში იგეგმება, სადაც ხუთკარიან “ასტრას” აწყობენ. ახალი კაბრიოლეტი, სავარაუდოდ, “ოპელ ასტრას” ღია მოდიფიკაცია იქნება.

აქამდე გავრცელებული ინფორმაციით, “ოპელი” უახლოესი 5 წლის განმავლობაში ახალი მოდელების შესაქმნელად 11 მილიარდი ევროს ინვესტიციის განხორციელებას აპირებდა. როგორც კომპანიაში აცხადებენ, ახალი კაბრიოლეტის გამოშვება სწორედ ამ პროექტის ნაწილია.



Loading...

ტექსტის სანახავად გაიარეთ რეგისტრაცია.