ბოტანიკური ბაღში
(botanikuri bagi)
ბოტანიკური ბაღში მსოფლიოს ხუთი კონტინენტიდან აღებული მცენარეთა სახეობები ერთმანეთის გვერდით შესანიშნავად გრძნობენ თავს. ბაღის თერმულ რეჟიმს მისი გეოგრაფიული მდებარეობა განსაზღვრავს. ბაღის ცალკეული მონაკვეთები ნიადაგისა და ჰავის თავისებურებებით მკვეთრად განსხვავდება. სწორედ ამან შეუწყო ხელი უცხო ქვეყნების მცენარეთა წარმატებით ინტროდუქციასა და აკლიმატიზაციას.
ბაღი სამივე მხრიდან დაცულია კავკასიის მთებით, რომლებიც ზღვის სანაპიროდან წამოსულ თბილ ნაკადს აკავებს და, ამასთან, ცივი ქარებისაგნ იცავს ამ ტერიტორიას. რაც შეეხება მეტეოროლოგიურ მონაცემებს: საშუალო წლიური ტემპერატურა 15 გრადუსია, აბსოლუტური მაქსიმუმი 39,9, აბსოლუტური მინიმუმი კი 9 გრადუსამდეა. ნალექების საშუალო რაოდენობა 2 620 მმ, ტენიანობა 83%-ი.
113 ჰექტარზე გაშენებულ ბაღში სამი პარკი, კოლხეთის ტყის ნაკრძალი და ლანდშაფტურ-გეოგრაფიული პრინციპით გაშენებული 9 ფლორისტული განყოფილებაა: ამიერკავკასიის ტენიანი სუბტროპიკების, ავსტრალიის, ახალი ზელანდიის, ჰიმალაის, აღმოსავლეთ აზიის, ჩრდილოეთ ამერიკის, სამხრეთ ამერიკის, მექსიკისა და ხმელთაშუა ზღვის ქვეყნებისა. ბაღში მცენარეთა 2000-ზე მეტ სახეობას, სახესხვაობას, ფორმას ნახავთ. აქ კარგად ხარობს უნიკალური მცენარეები: ტოტარას ფეხნაყოფა, ანდერსონის ვერონიკა, სამხრეთ კორდილინე, ჰიმალაური შქერი, ნეპალის მარადმწვანე მურყანი, მარადმწვანე მუხები, იაპონური კამელია, პალმისები ნეკერჩხლის 20 ფორმა, მაგნოლიის 15 სახეობა და ფორმა. იელების მდიდარი კოლექცია, საპნის ხე, ქონის ხე, ბამბუკის მრავალი სახეობა, მარადმწვანე სექვოია, მეტასექვოია, სწრაფმზარდი ფოთოლმცვივანი მუხები, მექსიკური ფიჭვები, ჩრდილო-ამერიკული და მექსიკური ტაქსოდიუმი, მრავალი სახეობის კაქტუსი, სამხრეთ ამერიკის მანიჰოტი, დარვინის კოწახური კუნინგანია, არაუკარია და სხვა.Aამიერკავკასიის სუბტროპიკების განყოფილების ღირსება ის არის, რომ აქ განუმეორებელია აჭარის ბუნებრივი მცენარეული საფარი, რაც დიდ მნიშვნელობას იძენს როგორც სანახაობითი, ისე სამეცნიერო თვალსაზრისით. აქვეა კავკასიური, კერძოდ, კოლხეთის მესამეული პერიოდის რელიქტები: უნგერნის და პონტოშქერი შქერი, წყავმაზა, ჰართვისისა და პონტოს მუხები, წაბლი, წიფელი და სხვა.
(botanikuri bagi)
ბოტანიკური ბაღში მსოფლიოს ხუთი კონტინენტიდან აღებული მცენარეთა სახეობები ერთმანეთის გვერდით შესანიშნავად გრძნობენ თავს. ბაღის თერმულ რეჟიმს მისი გეოგრაფიული მდებარეობა განსაზღვრავს. ბაღის ცალკეული მონაკვეთები ნიადაგისა და ჰავის თავისებურებებით მკვეთრად განსხვავდება. სწორედ ამან შეუწყო ხელი უცხო ქვეყნების მცენარეთა წარმატებით ინტროდუქციასა და აკლიმატიზაციას.
ბაღი სამივე მხრიდან დაცულია კავკასიის მთებით, რომლებიც ზღვის სანაპიროდან წამოსულ თბილ ნაკადს აკავებს და, ამასთან, ცივი ქარებისაგნ იცავს ამ ტერიტორიას. რაც შეეხება მეტეოროლოგიურ მონაცემებს: საშუალო წლიური ტემპერატურა 15 გრადუსია, აბსოლუტური მაქსიმუმი 39,9, აბსოლუტური მინიმუმი კი 9 გრადუსამდეა. ნალექების საშუალო რაოდენობა 2 620 მმ, ტენიანობა 83%-ი.
113 ჰექტარზე გაშენებულ ბაღში სამი პარკი, კოლხეთის ტყის ნაკრძალი და ლანდშაფტურ-გეოგრაფიული პრინციპით გაშენებული 9 ფლორისტული განყოფილებაა: ამიერკავკასიის ტენიანი სუბტროპიკების, ავსტრალიის, ახალი ზელანდიის, ჰიმალაის, აღმოსავლეთ აზიის, ჩრდილოეთ ამერიკის, სამხრეთ ამერიკის, მექსიკისა და ხმელთაშუა ზღვის ქვეყნებისა. ბაღში მცენარეთა 2000-ზე მეტ სახეობას, სახესხვაობას, ფორმას ნახავთ. აქ კარგად ხარობს უნიკალური მცენარეები: ტოტარას ფეხნაყოფა, ანდერსონის ვერონიკა, სამხრეთ კორდილინე, ჰიმალაური შქერი, ნეპალის მარადმწვანე მურყანი, მარადმწვანე მუხები, იაპონური კამელია, პალმისები ნეკერჩხლის 20 ფორმა, მაგნოლიის 15 სახეობა და ფორმა. იელების მდიდარი კოლექცია, საპნის ხე, ქონის ხე, ბამბუკის მრავალი სახეობა, მარადმწვანე სექვოია, მეტასექვოია, სწრაფმზარდი ფოთოლმცვივანი მუხები, მექსიკური ფიჭვები, ჩრდილო-ამერიკული და მექსიკური ტაქსოდიუმი, მრავალი სახეობის კაქტუსი, სამხრეთ ამერიკის მანიჰოტი, დარვინის კოწახური კუნინგანია, არაუკარია და სხვა.Aამიერკავკასიის სუბტროპიკების განყოფილების ღირსება ის არის, რომ აქ განუმეორებელია აჭარის ბუნებრივი მცენარეული საფარი, რაც დიდ მნიშვნელობას იძენს როგორც სანახაობითი, ისე სამეცნიერო თვალსაზრისით. აქვეა კავკასიური, კერძოდ, კოლხეთის მესამეული პერიოდის რელიქტები: უნგერნის და პონტოშქერი შქერი, წყავმაზა, ჰართვისისა და პონტოს მუხები, წაბლი, წიფელი და სხვა.
