მწვანე სუპი (წვნიანი კერძები)

საჭირო ინგრედიენტები:

ძროხის ხორცი - 1 კილოგრამი
ხახვი - 2-3 თავი
ერბო - 2 სუფრის კოვზი
ისპანახი - 100 გრამი
მჟაუნა - 100 გრამი
კვერცხი - 2 ცალი
მწვანილის თეთრი ძირები - 100 გრამი

მომზადების წესი:

ხორცი დავჭრათ, კარგად გავრეცხოთ, ჩავდოთ ქვაბში, დავასხათ წყალი და მოვხარშოთ. ხახვი დავჭრათ წვრილად, მოვხრაკოთ ერბოში და ჩავუშვათ ბულიონში; მასთან ერთად ჩავყაროთ წვრილად დაჭრილი ნიახურისა და ოხრახუშის თეთრი ძირები. ცალკე შევამზადოღ მჟაუნისა და ისპანახის ფაფა (ჩავხარშოთ კარგად, რომ ფაფის სახე მიიღოს) და ჩავასხათ სუპში. ვადუღოთ კიდევ 10-15 წუთი.

თეფშებზე დასხმულ კერძებს დავამატოთ თხელ ფენებად დაჭრილი მაგრად მოხარშული კვერცხი. თუ გვსურს, კვერცხთან ერთად, თითჴეულ თეფშზე დავასხათ თითო სუფრის კოვზი მაწონი ან არაჟანი.