მარჩბივი (გემინი)



მარჩბივი ზოდიაქური თანავარსკვლავედია, რომლის ნაწილიც ირმის ნახტომის საზღვრებშია და სულ ითვლის შეუიარაღებელი თვალით ხილულ 70 ვარსკვლავს, მათგან ყველაზე უფრო კაშკაშა ორია: კასტორი და პოლუქსი.

ვინ არიან კასტორი და პოლუქსი? ბერძნული მითოლოგიით, ესაა ტყუპი, ორი სწორუპოვარი გმირი, ზევსის შვილები, თუმცა არის არაერთი სხვა ვერსიაც: სპარტის მეფეს ტინდაეროსს ცოლად ჰყავდა ეტოლიის მეფის თესტიოსის მშვენიერი ასული ლედა, რომლის სილამაზემ მოხიბლა თვით ღმერთების მამამთავარი ზევსი,რიმელიც ქათქათა გედად იქცა და ისარივით შევარდა დედოფლის სოწოლ ოთახში. ამ კავშირის შედეგად ლედამ დადო გედის კვერცხი, საიდანაც გამოვიდა ორი მოყვარული ძმა კასტორი და ჰოლიდევკე (ლათინურ ენაზე პოლუქსა). სხვა ვერსიით, ლედამ ზევსისგან შვა ელენე და პოლიდევკე, კანონიერი ქმრისგან კი - კასტორი და კლიტემნესტრა. კასტორს და პოლიდევკეს დიოსკურებსაც უწოდებენ და ტინდარიდებსაც (მშობლების სახელებიდან).

ასე იყო თუ ისე, კასტორი და პოლიდევკე უძლეველი გმირები გამოვიდნენ, და არაერთი საგმირო საქმე ჩაიდინეს, შორეულ კოლხიდაშიც იმგზავრეს სხვა არგონავტებთან ერთად. პოლიდევკე უძლეველი მოკრივე იყო, კასტორს კი, ცხენების დიდ მომთვინიერებელს, ეტლით სრბოლაში ტოლი არ ჰყავდა. ძმებმა მონაწილეობა მიიღეს კალიდონის ნადირობაში; იხსენებს ელენე…

ერთხელ ძმებმა, ტინდარიდებმა, საბედისწერო ნაბიჯი გადადგეს: საცოლეები მოსტაცეს ქორწილიდან გმირ ძმებს, ბიძაშვილებს, აფარევსის შვილებს - იდასსა და ლინკვესს (აფარიდებს). ძმები დაედევნენ. ყოვლის მხილველმა ლინკვესმა მწვერვალიდან დაინახა, რომ კასტორი მუხის ფუღუროში იმალებოდა და შიგვე განგმირა, ან იდასმა შუბით მოკლა კასტორი, პოლიდევკემ კი შური იძია და მოკლა ლინკვესი. პოლიდევკე უძლეველ იდასს შეება, ვერც ერთმა ვერ სძლია, ზევსმა მეხი სტყორცნა და მოკვდავი იდასი დაიწვა, პოლიდევკე კი (როგორც ზევსის შვილი) უკდავი იყო და გადარჩა, მაგრამ ძმის დაღუპვამ ისე დაამწუხრა, რომ მამას სთხოვა, მეც მომკალიო. ზევსმა ასე გადაწყვიტა: ნახევარი წელი ქვესკნელში დაყავით და ნახევარი ოლიმპოზეო,ზესკნელში. ამრიგად, ტყუპი ძმები, ზევსის შვილები („დიოსკურები“) განუყრელ „მარჩბივად“ იქცნენ და ზევსვმა ისინი ცის თაღზე მოათავსა, როგორც ხომლი.

ამ ცნობილი ვერსიის გარდა არსებობს სხვა,ანტიკური და არაბული ტრადიცია, რომლის მიხედვიდაც ცის ტატნობზე მოქცეულია ორი სხვა ტყუპი, შიშველი ახალგაზრდები, რომელთაც ძვირფასი ნაქარგი ქუდები ახურავთ. ასეთი ასტროლოგიური რწმენითაა შთაგონებული დანტეს სტრიქონები „ღვთაებრივ კომედიაში“

ო, ვარსკვლავებო, ფეხმძიმენო ძალმოსილობით,
რომელთა სურათს მე ვუმადლი სულს და გონებას,
რაოდენ სუსტად ან ძალუმად უნდა მოსჩქეფდეს;
თქვენგან ამოდის და თქვენგანვე ჩაესვენება
დედა ყოვლისა, რაც არსებობს დედამიწაზე,
მას მერე, რაც მე ვსუნთქავ ჩემი ტოსკანის ჰაერს.

აქედან ჩანს, როგორ სწამდა დიდ დანტეს ასტროლოგია, რასაც ახალი დროის ზოგი „ენციკლოპედისტი“ ცრუ მეცნიერებად აცხადებს, სინამდვილეში კი ესაა ადამიანის მეობისა და კოსმიური კავშირების ურთიერთ მიმართების ფილოსოფიური ძიება, „მეობის“ სამოთხეში დაბრუნების და სამყაროს ჰარმონიის შეცნობის სურვილი, ადამიანის განხილვა, როგორც სამყაროს (მიკროკოსმოსის) მინიატურული ნაწილისა. ამაზეა აგებული ჰოროსკოპების, ასტროლაბიის, ვარსკვლავთმრიცხველობის ყველა მთავარი პრინციპი. ასე ჩაეყარა ამ მეცნიერებას საფუძველი ძველ ეგვიპტეში, შუმერში, ბაბილონში, ქალდეაში რომლის საოცარი გამოძახილია სვანური სიმღერა „იავ ქალდი“, სოფელი ქალდე (ხალდე) და მის მახლობლად მობინადრე ლალხორელთა ტრადიციული ვარსკვლავთმრიცხველობა, ასევე დათვის თანავარსკვლავედის სვანური სახელწოდება „ბედანშერ ქვითილარ“, „ბედანაანთ ლეკვები“, ვარსკვლავთმრიცხველობის აღმნიშვნელი სვანური ტერმინი „მეჭმინალ“ („მდევარი“, ვარსკვლავთა დამთვლელი) …

თვით დანტეს დაბადების თარიღი ზუსტად არაა ცნობილი, მაგრამ რაკი თვითონვე გვიმოწმებს, რომ მზის დგომისა და მარჩბივის ზოდიაქოს მესამე წრეში მოქცევის ჟამს მოხვდა, დადგენილია, რომ ის შობილა 21 მაისსა და 21 ივნისს შორის. ბერძენთა და არაბთა (ასსუფის და სხვა სწავლულთა) რწმენით, მარჩბივს ქონდა სიმღერის ნიჭი. ასტროლოგთა დაკვირვება გეძელდება.






Loading...

ტექსტის სანახავად გაიარეთ რეგისტრაცია.