კურო (ტაურუს)

 (ხმები: 10)


ჯერ კიდევ ძველ ბაბილონში ზოდიაქოს მეორე თანავარსკვლავედს უკვე ერქვა „ციური ხარი“, როცა ის ბერძნებმა გადაიღეს, გულმმოდგინედ გადაავლეს თვალი თავიანთ მდიდარ მითოლოგიურ საგანძურს, რათა ხომლისთვისს შესაფერისი მითიური ხარი გამოენახათ: მეცნიერთა ერთმა ნაწილმა გაიხსენა ხარი,რომლის სახეც მიიღო ზევსმა,რათა თავისი რჩეული მეფის ასული ევროპა ზღვა-ზღვა ცურვით გაეტაცა ხმელეთის იმ ნაწილზე, რომელსაც ამ მეფის ასულის სახელი - ევროპა დაენათლა. სხვები ამ თანავარსკვლავედში ხედავდნენ საშინელი ურჩხულ-ხარის მინოტავრის მშობელ ზღვის ხარს,რომელიც ჩრდილოეთის გვირგვინის თანავარსკვლავედს უკავშირდება. კაციჭამია მინოტავრი კრეტის საშინელ მიწისქვეშ ლაბირინთში თეზევსმა მოკლა. მანვე მოკლა მეორე მძვინვარე ხარი, რომელიც მარათონის მიდამოებს აოხრებდა. თითქოს ეს ხარიც ითხოვდა საკადრის ადგილს ცის თაღზე. ზოგი ამ ადგილას ხედავდა ზევსის სატრფოს იოს, რომელიც ღმერთების მამამთავარმა თეთრ ქათქათა ძროხად აქცია, რათა მეუღლისთვის - ეჭვიან ჰერასთვის თვალები აეხვია. რომაელი პოეტი ოვიდიუსი ურიგოდ ხუმრობდა: ალბათ იო იქნება, რადგან მხოლოდ წინა მხარე ჩანსო ( ვარსკვლავებივით „მოჭედილია“ მხოლოდ რქები და წინამო ).

ხარის გამოსახულებას კვეთს ვარსკვლავთა ორი სხვა ჯგუფი: თავთან ჰიადები, ზურგზე პლეადები - შვიდი მშვენიერი ქალწული, ზევსის ასულები, რომელთაც ბუმბერაზი გმირი ორიონი დასდევდა და ავიწროებდა, ვიდრე ზევსმა შვიდივე ცის თაღზე არ მოაქცია ვარსკვლავების სახით. სულ პლეადებში ხუთასამდე ვარსკვლავია. ყველაზე კაშკაშა - კუროს მარჯვენა თვალია, რომელსაც არაბულად ალდებარანი (ხარისთვალა) ეწოდება. ჰიადები - 2 ან 7 - პლეადების დები არიან. მათაც უბედურება დაატყდათ: მათი ერთადერთი ძმა ჰიასი (ჰიანტი) ლომმა დაგლიჯა. დები მანამდე დასტიროდნენ დაღუპულ ძმას, ვიდრე ზევსმა არ შეიბრალა და „წვიმის მომყვან“ ვარსკვლავებად არ აქცია. პლეადები და ჰიადები დღესაც დასციმციმებენ თავზე დედამიწას და მათ ყველა ხალხი ამინდის ცვალებადობას უკავშირებს. კუროს თავთან კი 1054 წელს აფეთქდა ზეახალი ვარსკვლავი, ამჟამად კირჩხიბის ნისლეულის სახით ცნობილი.







ტექსტის სანახავად გაიარეთ რეგისტრაცია.