ასუელა, მარიანო ( დ. 1 იანვარი, 1873, ლაგოს დე მორენო — გ. 1 მარტი, 1952, მეხიკო), მექსიკელი მწერალი. სათავე დაუდო მექსიკის რევოლუციის ამსახველ და სოციალურ რომანს.
მისი თხზულებებიდან პირველ რიგში აღსანიშნავია: "ისინი, ვინც ქვევითაა" (1916), რომელიც მექსიკის 1910 რევოლუციის ამბებს ასახავს, აგრეთვე "მარია ლუისა" (1907), "ხელმოცარულნი" (1908), "სარეველა" (1909), "ამხანაგი პანტოხა" (1937), "რეგინა ლანდა" (1939), "ახალი ბურჟიაზია" (1941), "წყევლა" (გამოქვეყნდა 1955). ამ რომანებმა ასუელას მექსიკის უდიდესი რეალისტი მწერლის სახელი მოუხვეჭა.
მარიანო ასუელა - Mariano Asuela
