ღამე - game
დღე მოქანცული შესცვალა ღამემ,
ბინდი ჩამოწვა, დადუმდა არე.
მზე ჩაესვენა, სამყაროს თავზე
ჩაფიქრებული მიცურავს მთვარე.
წყნარი ჩუხჩუხით დის ნაკადული
და მთვარის შუქზე ვერცხლისფრად ელავს.
ბულბულის ტკბილი გალობის ხმაზე
ტყე დაბინდული თრთოლავს და ღელავს.
სიმღერას უსმენს თითქოს მდინარეც,
მიწყდა ტალღების ღელვა, გრიალი
და წყნარად ისმის მის ნაპირებზე
ქარს აყოლილი ლერწმის შრიალი.
