კინჩევი ნიკოლა

თხუნელა

მე ბრმა ვარ.
მე ბნელში ვცხოვრობ
და იქვე ვარ დაბადებული,
იქვე მოვკვდები,
იქ დავრჩები მზის უნახავი.
მე მიწასა ვთხრი,
მთელი ჩემი სიცოცხლე მე
გვირაბებსა ვთხრი,
მაგრამ თქვენ მე მატარებელს ნუ შემადარებთ
და ნურც გამკიცხავთ
იმისთვის, რაც ჯიშით მომყვება.
დამიჯერეთ,
სხვა ვინმე რომ ჩემს მაგივრად თხრიდეს გვირაბებს,
მეც მშვენივრად ვიქნებოდი მატარებელი.