ჯორჯონე



ჯორჯონე (Giorgione) ნამდვილი სახელი და გვარი ჯორჯო ბარბარელი და კასტელი ფრანკო, (Barbarelli da castelfranko) (1476 ან 1477კასტელფრანკო, ვენეტო,-სექტ. ან ოქტ. 1510, ვენეცია), იტალიელი ფერმწერი. ვენეციის სკოლის წარმომადგენელი, მაღალი აღორძინების პერიოდის ხელოვნების ერთ-ერთი ფუძემდებელი. როგორც ფიქრობენ, სწავლობდა ჯოვანო ბელინისთან. ახლოს იყო ვენეციელი ჰუმანისტების წრესთან. სახელი გაითქვა როგორც
მომღერალმა და მუსიკოსმა. 1507-08 მონაწილეობდა დოჟების სასახლის გაფორმებაში.
ჯორჯონე ძირითადად მოღვაწეობდა დაზგურ ფერწერაში.ადრინდელი პერიოდის (1505 წლამდე) ნამუშევრებში (“მწყემსების თაყვანის ცემა“,
დაახლოებით1504, ხელოვნების ეროვნული გალერეა, ვაშინგტონი. „ივდითი“. 1504-მდე, ერმიტაჟი, ლენინგრადი) გამოიკვეთა ჯორჯონეს შემოქმედების თავისებურება -სამყაროსა და ადამიანის დაფარული სასიცოცხლო ძალების პოეტურად ჩვენების დიდი უნარი. 1506-10 ნამუშევრებისათვის დამახასიათებელია კეთილშობილი იდეალიზაცია, დახვეწილი ოსტატობა და ღრმა ემოციურობა, რთული ასოციაციური ხასიათის იდეურ -სიუჟეტური ჩანაფიქრი („ჭექა-ქუხილი “, დაახლოებით 1506, აკადემიური გალერეა, ვენეცია, „სამი ფილოსოფოსი“ დაახლ. 1508, სამხატვრო ისტორიული მუზეუმი,
ვენა). ჯორჯონეს პორტრეტში ნათლად აისახა ინტიმურ-ლირიკული ემოციურობა [„ჭაბუკის პორტრეტი“, დაახლ. 1506 სურათების გალერეა ბერლინ-დალემი; „ქალის პორტრეტი“ ( ე.წ. „ლაურა“). სამხატვრო ისტ. გალერეა, ვენა; „ ა. ბროკარდის პორტრეტი“, დაახლ. 1508-10, სახვითი ხელოვნების მუზეუმი. ბუდაპეშტი] ჯორჯონემ საფუძველი მოუმზადა პეიზაჟის ჟანრის ჩასახვას. გვიანდელ ნამუშევრებში („მძინარე ვენერა “, დაახლ. 1508-10, დრეზდენის სურათების გალერეა სოფლის კონცერტი“ 1908, ლუვრი, პარიზი) გამოჩნდა მხატვრის შემოქმედების ძირითადი თემა ადამიანისა და ბუნების ჰარმონიული ერთიანობა ჯორჯონემ რბილი, გამჭვირვალე შუქჩრდილით მიაღწია ფერისა და ნახატის მოცულობის მთლიანობას, ტონალურ
ერთიანობას. ჯორჯონეს შემოქმედებამ დიდი გავლენა მოახდინა მე-16 საუკუნეში ვენეციურ ფერწერაზე და სათავე დაუდო მის აყვავებას. ჯორჯონეს მიღწევები შეითვისეს მისმა თანამედროვეებმა (სებასტიანო დელ პრომბო, პალმა უფროსი და სხვ.) და განავითარა მისმა მოწაფემ ტიციანმა.









Loading...

ტექსტის სანახავად გაიარეთ რეგისტრაცია.