ტაბიძე გალაკტიონ - Tabidze Galaktion



გალაკტიონ ტაბიძე - Galaktion Tabidze

ჰორიზონტი ოდნავ ღელავს

(horizonti odnav gelavs)


ჰორიზონტი ოდნავ ღელავს
შემოდგომის მკრთალი სხივით,
და სცვივიან ხეს ფოთლები
მომაკვდავი პეპლებივით...

ყვითელ ფოთლით მოიფარა
ხეივანი, ბილიკები.
თეთრი ნისლით შეიმოსა
ცად აწვდილი შორი მთები.

ობლადა სდგას მონასტერი,
სადაც თავი შეაფარე,
სადაც ციურ ფიქრთა ნისლში,
მიატოვე ცოდვათ მხარე.

მაგრამ მე ვერ დაგივიწყე,
კვლავ მიყვარხარ ძველი ვნებით.
იმავ სულით, იმავ ფიქრით,
იმავე თავდავიწყებით.

ჰორიზონტი ოდნავ ღელავს
შემოდგომის მკრთალი სხივით
ცა სცვივიან ხეს ფოთლები
მომაკვდავი პეპლებივით!



Loading...

ტექსტის სანახავად გაიარეთ რეგისტრაცია.