– (დედას) –
კალენდარი
კალენდარს ვფურცლავ,
ვფურცლავ და ვფურცლავ..
წლები წლებს მისდევს
დაბადება, ტირილი
და უეცარი გარდაცვალება..
დღეს თერთმეტი აპრილია
შენი სანთლის შუქის
ულევი სითბო,
სიყვარული და გაოცება..
მადლობა ფურცლებს..
ხან ტირილისთვის,
ხან სიცილისთვის,
სულის სიმების
საოცარი ჟღერადობისთვის..
*
რა დრო გასულა..
როგორ მჭირდები,
რა დრო გასულა
როგორ მენატრები!
ჩემო ჭაღარა
მონატრებულო დედავ!
მერაბ სალუქვაძე – (დედას) კალენდარი –
