მერაბ სალუქვაძე მონოლოგი




ვფხიზლობდი წუხელ,
პატარა ქვის სახლში
ჩემს მეტს ყველას ეძინა,
ჩემი ფიქრები
შენზე უკეთ არავინ იცის,
თამბაქოს ბოლით ვიგრილებდი
დასიცხულ ფილტვებს,
ვფიქრობდი შენზე,
წვიმის წვეთები
როკავს ჩემს ფანჯრებთან,
წკაპ წკუპ წკაპ წკუპ..

გიყვარდეს მხოლოდ
ეს სულერთია,
ჩემი მდუმარე სიჭაბუკის განმეორება
შენა ხარ ახლა,
მადლობელი ვარ,
მადლობელი ვარ
ნამგალა მთვარე,
გზებს რომ მინათებს..

მეძინა დილით
სიზმრები მწარე,
ჩემს მეტს სხვა ოთახში
ყველას ეღვიძა,
მაგრამ
ჩემი სიზმრები შენს ფიქრებთან
იქ სადღაც,
შორიახლოს მიმოფანტულიყო..

წვიმის წვეთები
როკავს ისევ ფანჯრებთან,
წკაპ წკუპ წკაპ წკუპ..



Loading...


თეგები: წვიმის წვეთები

ტექსტის სანახავად გაიარეთ რეგისტრაცია.