ნანა სელეპანოვა - შენ თუ არ დამალევინებ



ცისკენ მომზირალ თვალებმა
მე ლექსი დამაწერინეს,
ცეცხლი გადამდის ალებად,
ცრემლებს ნუ დამადენინებ.

ზეცას მივადგათ ხის კიბე,
ვარსკვლავი დამაჭერინე,
მე გამოგყვები ცის კიდეს,
სიამე განმაცდევინე.

როს გულმა გული იყნოსა,
სუფრა ხელდახელ გავშალე,
მე დაგახვედრებ ღვინოსა,
შენ საღერღელი აშალე.

მოვიდა, გადამიშალა
დავთრები მეცენატების,
თვალები ხარბად მინაბა,
სხვას უმზერს,მე ვენაზები.

თუ მზერა სხვას უწყალობე,
მე ლექსი რას მაწერინე,
არც დავლევ მე იმ წყაროზე,
შენ თუ არ დამალევინებ.



Loading...


თეგები: ცისკენ მომზირალ თვალებმა

ტექსტის სანახავად გაიარეთ რეგისტრაცია.