ნანა სელეპანოვა - მეძახდი?



მეძახდი? არა? თუ მომეჩვენა?
აუ,კვლავ შენსკენ გაიქცა ფიქრი..
და გაბზარული სულისკვეთება
გულზე დამაწვა ლოდების სისქით.

დღეს მე გეენის ცეცხლში ვიწვები,
შენ ასეთ ყოფას,რას დაარქმევდი?
ოჰ,ღმერთო,სწორედ შენ გეკითხები,
რად შემაჩვიე, თუ წამართმევდი.

როცა მტკიოდა, მაშინ, სად იყავ,
როცა ცრემლები წვიმად მაწვიმდა,
ალბათ,ხვალ მაინც იმ გზით წამიყვან
შენ რომ გინდა და..მე რომ არ მინდა.

შენ რაა,შენ შენი გზებით დადიხარ,
მე ჩემმა გზებმა, სად მიმიყვანოს,
მეც გადავუხვევ ახლა, ამ გზიდან,
რომ ჩემმა გულმა სხვა შეიყვაროს.



Loading...


თეგები: მეძახდი თუ

ტექსტის სანახავად გაიარეთ რეგისტრაცია.