ლია ფანჩულიძე - კვლავ განმეორდა



კვლავ გაიელვა შენს ცაზე ტყვიამ.
კვლავ აგვიცრემლა მტერმა დედები.
სოხუმს დაატყდა ტყვია მეხივით.
თითქოს ჩაცმულან შავად გედები.

რა დაგვავიწყებს აპრილის ტკივილს.
,,მუხლულო ტანკი,,ხოცავდა ქალებს.
თბილისის მიწას აწვიმდა სისხლი.
გაზაფხული კი იფშვნეტდა თვალებს.

კვლავ განმეორდა თებერვლის ღამე.
მერე გვიწვავდნენ პანკისს და კოდორს.
შავი სამოსი ჩაეცვა ღამეს.
გვამი ავსებდა სიკვდილის ორმოს.

გვართმევენ მიწებს,გვიკლავენ შვილებს:
გურამის,ცოტნეს,ირაკლის,მოსეს.
სხეულის ნაწილს გათლიან ტანზე,
შვილებიანად გართმევენ ოსეთს.

კვლავ დააობლეს...კვლავ დააქვრივეს...
დედა მოსთქვამდა დაჭრილთან მდგომი.
ანადგურებდა ირგვლივ ყველაფერს,
ომი სატიკი,აგვისტოს ომი.

ტყიის ზუზუნში დაღლილან მთებიც.
ვეღარ ბედავდნენ ჩიტებიც სტვენას.
ტყის თავზე იდგა ნისლი მოწყენით,
და შეჰყურებდა დახოცილთ ცვენას.

გზად გადაგვიდგა ნისლი მგზავრივით.
ჩამოვიშორებთ ჩვენ ბურუსს გზიდან.
ღმერთის ნაჩუქარს ღმერთი დაიცავს,
იგი დაჰყურებს ამ ცოდვებს ციდან.

ლია ფანჩულიძე



Loading...


თეგები: კვლავ განმეორდა ლექსი

ტექსტის სანახავად გაიარეთ რეგისტრაცია.