მანანა ბოჭორიშვილი - მადლობელი ვარ მადლობელი ამ ყოფისათვის



მადლობელი ვარ მადლობელი ამ ყოფისათვის,
მეც რომ ვიხილე საოცარი სამყარო ჩვენი,
ამ წუთისოფლის სიავ-კარგის გაცნობისათვის
და ამდენ ხანსაც რომ გაგრძელდა სიცოცხლის დღენი.
თუმცა ვეწამე,ბევრი ტანჯვა გადავიტანე
მაინც მადლობას შემოგწირავ ყოვლად ძლიერო.
მე საზღაური ჩემი ტანჯვით გადავიხადე
და ახლა უნდა ნაწამებმა ვიბედნიერო.
მადლობას ვიხდი ყოველივე კარგი საქმისთვის,
დედ-მამისა და ჩემიანთა ხილვის გულისთვის,
ჩემი ცხოვრების უამრავი გრძნობა- განცდისთვის
და შენგან ჩემზე გაწეული დიდი ზრუნვისთვის.
ყველაფერს მართლაც ვერ ჩასწვდება ჩემი გონება,
ალბათ რამდენჯერ დამიფარე განსაცდელისგან,
რომ არ ასრულდა ბევრი ნატვრა,ბევრი ოცნება
ვცოდე უფალო,საყვედურისთვის დასასჯელი ვარ,
მაგრამ ხომ ვიცი ყველა გიყვარს,ყველას მფარველობ,
შენ თავად ცდილობ, რომ დაიხსნა ჩვენი სულები,
ჩვენ კი უძღებნი ზედმეტს ვითხოვთ,მართლაც ვთავხედობთ
ღვთის ნებას როს ვგმობთ,გსაყვედურობთ და გეურჩებით.
გმადლობთ უფალო,მოთმენის და პატიებისთვის,
დროსა და შანსის მოცემისთვის გწირავ მადლობას,
მჯერა შემიცვლი მეც ცხოვრებას გაღიმებისთვის
და არ მომაკლებ შენს კურთხევას,მადლს და წყალობას.

/მანანა ბოჭორიშვილი/



Loading...

ტექსტის სანახავად გაიარეთ რეგისტრაცია.