გიორგი დვალი - ერთი ნაბიჯით

ერთი ნაბიჯით იწყება ფიქრი
მანდვე მთავრდება წამების ლტოლვა
ნუღარ ჩერდები უბრალოდ მიდი
თუ კი უყვარხარ ის მანდაც მოვა

გამოიჩინე მის მიმართ რიდი
გადაივიწყე უაზროდ გლოვა
სიტყვა წარმოთქვი გუშინ რომ ქმნიდი
ღრუბლებში მზეც კი თავისით მოვა

ქარს გაატანე უაზროდ ფიქრი
დღეს მიუძღვენი სამყაროს გრძნობა
სისხლი რომ გიჩქეფს სწორედ მანდ მიდი
არასდროს გახდე სიბნელის მონა

გამოეცხადე შენს გრძნობებს გიდი
და სიყვარული კვალდაკვალ მოვა