ლამის გული დამისეროს სევდამ,
ლამის მხარზე ჩამომადოს თავი,
ეს ცუღლუტი,ამდენს ისე ბედავს,
თითქოს ველი უკვე დიდი ხანი.
თითქოს ყურში ისევ ის ხმა მესმა,
საამური, ჩუმი, თავბრუსმხვევი,
მშიერ თვალებს გაოცება შერჩათ,
მინდა ბაგე დამისველოს მწველი.
თუნდაც ჩემი არასოდეს ერქვას,
თუნდაც სულ ნუ შემეხება ხელით,
ლამის გული დამისეროს სევდამ,
ლამის სულში წამიკიდოს ცეცხლი.
ნანა სელეპანოვა - მშიერი თვალები
