ბექა ხუციშვილი - აპრილის თვეში

აპრილის თვეში, მზეც რომ აპრილობს,
როცა სურნელიც დგას გაზაფხულის,
მინდორში ია, ვარდთან სადილობს,
მთელს სხეულს ათბობს სიამე გულის.

აპრილის თვეში, ცაც რომ აპრილობს,
ლურჯი იების ჩურჩული მართობს,
ეს გული, ისევ შენს გულს ნადირობს,
როცა, ამ სხეულს შენი ხმა ათბობს.

შორიდან ვხედავ ლურჯ სანაპიროს,
წუთისოფელი რთულია, რთულზე,
აპრილის თვეში, ზღვაც რომ აპრილობს,
ცისფერ კესანებს,დაგაბნევ გულზე.