იას გაჩუქებ თოვლში ამოსულს...



იას გაჩუქებ თოვლში ამოსულს
მარტთან ცრემლებში ჩამდნარს,
აპრილის თვეში,ალუბლის თოვით
გისრულებ ყველა ნატვრას.

ყვავილებს გრძნობით ვეტრფი და ვეტრფი,
გვირილის გულში გეძებ,
გულს რომ სურნელად შემომრჩენია
იმ ლამაზ სურნელს ვეძებ.

შემოუბერავს აპრილის სიო
გრძნობით აგზნებულ კვირტებს,
ვერ გაუძლებენ ატმის რტოები
ქარს გაატანენ ფიქრებს...

სიყვარულს გჩუქნი აპრილის
თვისას,
ნაზი სურნელით გამთბარს,
თუკი მინატრებ,მე წარღვნად მოვალ,
მოვალ ვარდების წარღვნად.



Loading...

ტექსტის სანახავად გაიარეთ რეგისტრაცია.