ქეთი ალასანია - ყველაზე სუფთა, ის გულის ძგერაა



ყველაზე სუფთა, ის გულის ძგერაა,
დედის მკერდის ქვეშ რომ იბადება
და მერე მშვიდი, იმედით სავსე,
დედის მკერდშივე რომ იმალება,
ბავშვის თვალების ფერს ვერ შეიცნობ,
იქ სიყვარულის მზე იკარგება,
უფლის ხელებით ნაქსოვ სიცოცხლეს,
სულ თან დაჰყვება დედის ხატება,
მერე?
მერე კი ბრძოლა იწყება,
ბრძოლა, რომელიც აღარ მთავრდება
და შეშინებულ, დაბნეულ ღიმილს,
უეცრად გზაში დაუღამდება,
ცოდვილი სულით, თუ დამიჯერებთ,
არავინ, ქვეყნად, არ იბადება,
ცოდვების ნისლში, უბრალოდ, ვეძებთ,
სიყვარულს, სხვისთვის რომ იხარჯება,
უკეთესს ვეძებთ და ძვირფასს ვკარგავთ,
ამას რომ ვხვდებით, რაღაც მთავრდება,
ცრემლმორეულნი სურნელს დავეძებთ,
ჩვენს ბავშვობაში რომ იფანტება,
თმაშევერცხლილნი უკან ვბრუნდებით,
სადაც სიცოცხლე აღარ მთავრდება,
მოგონებებში სითბოს ვპოულობთ
დედის თვალებში რომ იხატება...

/ქეთი ალასანია/

01.12.14.



Loading...

ტექსტის სანახავად გაიარეთ რეგისტრაცია.