ნანუკა ჭკუასელი - სულში ცრემლად ნოემბერი ჩამეღვარა

სულში ცრემლად ნოემბერი ჩამეღვარა,
აშრიალდნენ ჩემეული ოცნებები,
ახლა მივხვდი დრო რა უცებ გამეპარა,
სხვა ნოემბერს კვლავ როდისღა მოვესწრები.

ახმაურდნენ ფიქრები და წამებს გაჰყვნენ,
ასე თავი არასოდეს არ მიგრძვნია,
ის ფოთლებიც ადრინდელებს აღარ ჰგავდნენ,
დროა მკაცრი? თუ ასეთი ამინდია?

სულში დარდად რაღაც სიტყვა გამეყინა,
ჩვენთან ცივა, სუსხებს მოჰყავთ განთიადი,
შენზე ფიქრი, გუშინ თვალზე დამეფინა,
მერე ისევ, სევდასავით გამიქარვდი.

ნანუკა ჭკუასელი