სალომე ბეთლემელი - მე.. ტაბი.. ღამე და ერთი ...

"ვერ გაიგონებს ძახილს ვერავინ
და სიამაყით არც მინდა შველა"
ვინღა მიხვდება ჩემსას მე რავი,
გალაკტიონსაც ვერ უგებს ყველა.

"დამინახავენ დაფლეთილს მტრები,
რომ სიხარულით დამიკრან ტაში"
გალას ლექსებს ვერ ედება მტვერი,
არ წავიქცევით მე და ის გზაში.

სასმელით არა, ფიქრით ვარ მთვრალი,
ხორცშეუსხმელი მე მიყვარს ღმერთი,
ჩემი მუზების მეგზური მთვარით,
ისევ მე.. ტაბი.. ღამე და ერთი..