აჩიკო ჯოჯიშვილი - მიყვარხარ ...

მიყვარხარ...
აპრილმა ჩამიკრა გულში და
მზის სხივი დანატრის თავგასულ ლიანებს,
მიყვარხარ...
ატმის რტო ვარდებს გულს უხსნის და
წვიმის წვეთს შენატრის.
რად დაიგვიანე?
გელოდი და ახლაც მოგელი,
მიყვარხარ...
შენ მაინც გამწირე, მარტის თვეს მადარე
და მე კი აპრილის ნატყუებ სიოსგან,
და ნაქალწულებ ნუშის კვირტს გადარე.
რად მომეაპრილე...
რად გამიმაისდი...
რად შემომეყვარე უნაზეს ფერებით,
არასდროს გამკიცხო...
ნურც ჩამეძიები...
ნებართვის გარეშე თუ მოგეფერები.

აჩიკო ჯოჯიშვილი