ნეტავ იყო, თუ არ იყო



ნეტავ იყო, თუ არ იყო,
ზღაპარი გამიცდენია,
კი არ ცხოვრობდი, შენ მყავდი,
ჩემი პატარა ფერია,
თვით ყვავილების ქვეყანა,
ხომ შენი დანაფერია,
შენი თვალების ფერიც ხომ
მზის სხივის ჩანაფერია,
ღიმილი ორად გამიჭრავს,
ის ნახევარიც შენია,
შენთვის ლამაზი სიტყვები,
ცრემლებით დამიწერია,
მიყვარხარ, ძლიერ მიყვარხარ,
გულის ფიცარზე მწერია,
ცის ქუხილამდე ვიყავი,
ღმერთო, რა ბედნიერია,
ცა მოიქუფრა, მეწვიმა,
ღრუბლები ღვარად მდენია,
წამში გამიქრი, ჩამცრემლე,
სიზმარსაც ცრემლი სდენია.

აჩიკო ჯოჯიშვილი



Loading...

ტექსტის სანახავად გაიარეთ რეგისტრაცია.