წიგნიდან "ფიქრებს ვუსმენდი“

როგორც მოხუცი მევიოლინე,
ვდგავარ სივრცეში დინჯად.
ვუკრავ საკუთარ ნერვებზე,
ვიცი, რომ მთვლიან გიჟად.
როგორც მოხუცი მევიოლინე,
ვუღიმი ყვეა მტარვალს
და უკვე ვიცი, ჯერ სადა ვარ,
ტკივილს წავიღებ მრავალს.
როგორც მოხუცი მევიოლინე
ოცნებობს უცნობ ქალზე,
დავხუჭავ თვალებს და გაკოცებ
სხეულის ყველა ხალზე.
როგორც მოხუცი მევიოლინე,
დღეს კეთილი ვარ ისე,
მაინც მიყვარხარ, თუმცა შენგან
კვლავ ,,მძულხარს“ ვისმენ...

(წიგნიდან "ფიქრებს ვუსმენდი“)