კორკიმელის ფერის კაბით
დღეს მე შევიმოსები,
ასე კენტად ვეღარ გავძლებ,
ვეღარ დაგელოდები...
ცას ვარსკვლავებს მოვტაცებ
და ბილიკ-ბილიკ დავაბნევ,
მერე მოვალ ფეხშიშველი,
ტრფობის ტაძარს ავაგებ!
ცისარტყელას ფერებს დავწნავ,
დავიმშვენებ დალალებს,
ხელზე მტრედებს დავისვავ და
ფეხზე ბორკილს დავამსხვრევ,
გადავლახავ, გადავსერავ
მთებს,ზღვებსა თუ ქარაფებს
და შემოგხვევ მკლავებს ისე,
როგორც აკვნის არტახებს!
ავტირდები თუ დახურავ,
შენი სარკმლის დარაბებს
და ცრემლების მოსათოკად,
მორცხვად დავხრი წამწამებს,
დავიჩოქებ, დავემხობი
მაგ შენს ფეხთა წინაშე
და დაგიდებ ამ გულს წმინდას,
ვით სასწორის პინაზე!
დღეს მე შევიმოსები,
ასე კენტად ვეღარ გავძლებ,
ვეღარ დაგელოდები...
ცას ვარსკვლავებს მოვტაცებ
და ბილიკ-ბილიკ დავაბნევ,
მერე მოვალ ფეხშიშველი,
ტრფობის ტაძარს ავაგებ!
ცისარტყელას ფერებს დავწნავ,
დავიმშვენებ დალალებს,
ხელზე მტრედებს დავისვავ და
ფეხზე ბორკილს დავამსხვრევ,
გადავლახავ, გადავსერავ
მთებს,ზღვებსა თუ ქარაფებს
და შემოგხვევ მკლავებს ისე,
როგორც აკვნის არტახებს!
ავტირდები თუ დახურავ,
შენი სარკმლის დარაბებს
და ცრემლების მოსათოკად,
მორცხვად დავხრი წამწამებს,
დავიჩოქებ, დავემხობი
მაგ შენს ფეხთა წინაშე
და დაგიდებ ამ გულს წმინდას,
ვით სასწორის პინაზე!
