რა უცნაურად მომესურვილე ახლა,
შემომათენდეს ხელის გულებზე ლამის,
ფიქრით მოქსოვილ ცხრათვალა სიზმარს გავხარ,
ანდა, ოცნებას შეგადარებ მოთეთრო ღამის.
შემყვარებიხარ, ფოთლები თოვდა როცა,
(ვერც კი შევნიშნე, მერე დაზამთრდა უცებ),
შენით ვისწავლე, მე სიყვარულზე ლოცვა,
ახლა შორს ხარ და მაინც შენს სუნთქვას ვუსმენ.
შთამეგონები უეცრად ხოლმე, ლექსად,
(პოეტურია, ალბათ ეს ქცევა ჩემი,)
როგორ მინდოდა შემოგხვეოდი დღესაც,
მონატრებისგან ბევრჯერ მომადგა ცრემლი.
მომესურვილე, რა უცნაურად, იცი?
შემომათენდა, (თუმც მერამდენედ უკვე,)
ცის საყელოზე, მთვარე ეულად იწვის,
და ეს საათიც ჩურჩულით მითვლის წუთებს.
შთამეგონები უეცრად ხოლმე, ლექსად,
ახლა შორს ხარ და მაინც შენს სუნთქვს ვუსმენ...
თ.ჭიღლაძე
შემომათენდეს ხელის გულებზე ლამის,
ფიქრით მოქსოვილ ცხრათვალა სიზმარს გავხარ,
ანდა, ოცნებას შეგადარებ მოთეთრო ღამის.
შემყვარებიხარ, ფოთლები თოვდა როცა,
(ვერც კი შევნიშნე, მერე დაზამთრდა უცებ),
შენით ვისწავლე, მე სიყვარულზე ლოცვა,
ახლა შორს ხარ და მაინც შენს სუნთქვას ვუსმენ.
შთამეგონები უეცრად ხოლმე, ლექსად,
(პოეტურია, ალბათ ეს ქცევა ჩემი,)
როგორ მინდოდა შემოგხვეოდი დღესაც,
მონატრებისგან ბევრჯერ მომადგა ცრემლი.
მომესურვილე, რა უცნაურად, იცი?
შემომათენდა, (თუმც მერამდენედ უკვე,)
ცის საყელოზე, მთვარე ეულად იწვის,
და ეს საათიც ჩურჩულით მითვლის წუთებს.
შთამეგონები უეცრად ხოლმე, ლექსად,
ახლა შორს ხარ და მაინც შენს სუნთქვს ვუსმენ...
თ.ჭიღლაძე
