მიქელანჯელოს პოეზიიდან - დანტე ალიგიერი



სად შეგვიძლია საკადრისი ვუთხრათ დიდება,
ისე სულმნათობს სხივთამთოველ მნათობთა შორის.
ადვილ არს წყევლა მისთა მტერთა შხამის და შმორის,
ასვლა კი დანტეს სიმაღლეზე გაგვიჭირდება!

მზაკვართა დასჯა რომ იხილა, დიდების ღირსმან,
ჩვენდა სალხენად ისევ ნახა სამოთხე მყარი.
რაზომცა ღმერთმან იმ სამოთხის გაუღო კარი,
ისემც ის კარი ჩაუკეტა მამულმან მისმან.

უმადურობით მანვე ავნო საკუთარ თავსა:
ვაი, რა მრუდედ გამოჭედა პოეტის ბედი!
რჩეულთა ტანჯვა მარად უფრო მძიმე ყოფილა.

სამაგალითოდ ერთის თქმა სჯობს ათასის თქმასა:
დანტე განდევნეს - არ არსებობს სირცხვილი მეტი,
სამაგიეროდ მსგავსი მისა არსად შობილა!



Loading...

ტექსტის სანახავად გაიარეთ რეგისტრაცია.