დათო ახლოური - შენზე ოცნებით მივყვები ბილიკს

შენზე ოცნებით
მივყვები ბილიკს,
გზას მიქარგავენ
დღეს სულ იები
და მახსენებენ
შენს ლამაზ ღიმილს
და ამ ღიმილით
მესურვილები...

მივდივარ,
ბინდით
შემოსილ გზაზე
იმედის სხივი
ღამეც იელვებს.
ლურჯი იების
მადლით ხარ სავსე
და შენზე ფიქრი
მაბედნიერებს...

დღეს აღარაა
ჩემი გზა ეკლის,
ეკლის გვირგვინი
დაფნზე გავცვალე...
ჩემო ყველაო,
ის ერთი ნეკნი,
იქნებ შენს გამო
ამომაცალეს...