მუხრან მაჭავარიანი - ღრუბლებმა მზე არ ამოუშვეს



ღრუბლებმა მზე არ ამოუშვეს
ამ დილით ცაზე,
შუაღამისას დაწყებული
გრძელდება წვიმა.
სიამოვნებით იშმუშნება
ტირიფი ნაზი
და ვაზის ფოთლებს სიხარულის
ცრემლები სცვივა.
წვიმს,
ყველაფერი,
ყველაფერი
სველდება თვალწინ...
კრამიტებიდან ვარდებიან
წვეთები მწკრივად,
ყანა სველდება,
გზა სველდება,
სველდება ანწლი,
შუაღამისას დაწყებული
გრძელდება წვიმა...

ამქვეყნად ერთად ვიმყოფებით მე და შენ ვიდრე
მზე თუგინდ სულ არ ამოვიდეს, თუგინდ სულ წვიმდეს...




Loading...

ტექსტის სანახავად გაიარეთ რეგისტრაცია.