რატი ამაღლობელი - ვერ ვპატიობ ამდენ ანჩხლობას



მე ვერ ვპატიობ ამდენ ანჩხლობას,
ცის – ჭურჭელივით ხელში დამტვრევას,
ვისაც არ აკრთობს ტბაში დახრჩობა,
ვისაც სიკვდილი არ ენატრება.

ვისაც არ ტკივა ძვლებში ლურსმანი,
ვისაც სახსრების ჯვარცმა არ ტკივა,
ვის ხერხემალსაც გაულურსავი
ტანჯვა არ ტკვირავს.

ყელში მაქვს ყველა თქვენი კაპრიზი,
ბედნიერებაც თქვენი ბრიყვული.
მე კი არა ვარ, თქვენ ხართ ნაპირზე
მკვდარი თევზივით გამორიყული.



Loading...

ტექსტის სანახავად გაიარეთ რეგისტრაცია.