ზანგური ბესო - დადუმებულა ჩემში სიცოცხლე

დადუმებულა ჩემში სიცოცხლე
სისხლი არ მიჩქეფს როგორც რიონი
ყოველი სტროფის დაწერის შემდეგ
ფიქრში ტივტივებს გალაკტიონი.

აღელვებული ფიქრები ქარში
დაქანაობენ როგორც სიოში
არ მაძლევს მუზა სიტყვების კონას
რასაც დაწერდა გალაკტიონი.

ისე მშრალია ჩემი გრძნობები
როგორც უდაბნოს ქვიშა,ხრიოკი
როგორც მდინარეს ისე მიჰქონდა
მუზების მორევს გალაკტიონი.

სიზმარში ვნახე წითლად მდიოდა
დაჭრილ სულიდან მტკვარი,იორი
და კიდევ ერთხელ წამოვიყვირე
გალაკტიონი,გალაკტიონი!