დათო ახლოური - მე მხატვარი მინდა ვიყო

მე მხატვარი მინდა ვიყო,
ზღვას და თვალებს დავხატავდი,
ყველა ფიქრს და ყველა სევდას
ქარს და წვიმას გავატანდი.
დიდი ფუნჯით ვრცელ სივრცეზე
უცნობ ფერებს დავხარჯავდი,
იმ ფერებით უსასრულო
ოცნების გზებს დავხაზავდი.
საღებავს და ამ თეთრ ტილოს
სიყვარულით დავხატავდი.
მე პოეტიც მინდა ვიყო,
სიცოცხლეზე ლექსს დავწერდი,
ამ ნახატის საოცრებას
მხოლოდ კალმით ამოვწერდი.
მე მხატვარიც მინდა ვიყო,
ლექსაც ფუნჯით დავხატავდი
და ამ შედევრს ,უცხო ფერებს,
სიყვარულით დავქარგავდი.