უკვე დაგავიწყდი

უკვე დაგავიწყდი,
უკვე დამავიწყდი,
აღარ გამიხსენებ ალბათ მე.
აღარც გენატრები,
აღარც მენატრები,
აღარც მოგონებით გამათბე.
დღეს შენ - შენ არ ხარ და,
დღეს მე - მე არ ვარ და,
ვიცი, აღარც სიზმრად მნახულობ.
ისევ მარტო ხარ და,
ისევ მარტო ვარ და,
ისევ უშენობით ვმარხულობ.
ქრება სიყვარული,
ქრება ოცნებები,
დაშლილ საყდარს ვგავართ
უბრალოდ...
იქნებ შეგვიწყნარო,
იქნებ შეგვიწყალო,
იქნებ გადმოგვხედო, უფალო!