გალაკტიონ ტაბიძე - ხალხური მოტივებიდან

შენი თვალები - მაღლები -

სამხრეთის ზღვების ფერია,

კბილები - თეთრი ძაღლები -

მიღრენენ, არაფერია.


მოგონებებში წასული

შენს ბაგეს დავეხარბები,

ოცნების ორი ასული -

გადაწოლილან წარბები.


გადაუთიბავთ თივები,

რომ გითხრა - დამემდურები!

გულაღმა წვანან ტივები

და მთები უდაბურები.


მთვარეს ჩვენი ხმა გაეგო,

თიოქო შუქაკანკალებით,

ჩვენს აივანზე დაეგო

რჩეული ოქროს ხალები