ზანგური ბესო - ვხედავ ფერებს ეტლში შებმულს

ვხედავ ფერებს ეტლში შებმულს
ლურჯის ცისკენ გაფრენილებს
თავისუფლებს როგორც წვიმის
წვეთებს, ქარში დარჩენილებს.

ვხედავ ფერთა სითავხედეს
ჩემს ჯინაზე გაჩენილებს
ოცნებების მოსადრეკად
უდროო დროს ახდენილებს.

ნაცხოვრები უფერობით
წლებს შენს ფეხქვეშ გათელილებს
სათითაოდ აგიკრეფ და
სათითაოდ გაზღვევინებ...

ვხედავ ფერთა გახამებას
(ხარბად ხარობს შენში თეთრი)
მოკლედ ვხედავ ფერთა ვნებას
წყლიან თვალს და ცოტა სევდას...