გიორგი ზანგური - დატოვებთ ტიტულს

დატოვებთ ტიტულს-ვალდებულ ცოლს?
დაიწყებთ ღამით
ხალების თვლას?
მოზილავთ ღრუბელს-უფორმო ცომს?
დაუწყებთ მთვარეს
სხივების თლას?
გაგიშიშვლებდით ლექსივით ტანს,
დაგიფარავდით სარცხვენელს ფრთით;
შეგაყვარებდით როგორმე თავს
პატარძალივით
კანკალებთ,თრთით.

თქვენ უფროსი ხართ
ჩემზე ასაკით,
მაგრამ მკერდის ქვეშ გიკოცნით ხალს.
რაც გაგიცანით
ვიცი მას აქეთ,
ვეღარ უყურებთ თვალებში ხალხს