გივი გელაშვილი - ბოროტი არ ვარ

ბოროტი არ ვარ, არც ანგელოსი,
არც სხვებზე ბრძენი, სხვებზე ჭკვიანი,
უბრალოდ, - ჩემებრ ვცდილობდი მუდამ -
ვყოფილიყავი ადამიანი.
ვცდილობდი მუდამ არვისთვის მევნო,
ვცდილობდი სხვებსაც არ დავეჩაგრე,
მაგრამ ბუნებას ადამის მოდგმის
ვერავინ შეცვლის ადვილად, ეგრე.
კაცთა უტყვ ზრახვებს ნიღბები ფარავს
ზოგჯერ მწვევია მეც გაორება,
ხშირად ცხოველურ ინსტიქტებს ტიალს
გადაყოლია ჩვენი ცხოვრება.