ოთარ ჭილაძე - მთას შევრჩი

მთას შევრჩი, როგორც ღრუბელი,
ღამემ მიშვილა - ბებერმა.
ქარი ქრის, ქაეი უბერავს,
ცახცახებს ცეცხლის პეპელა.

მთაო, ნუ ჩამოილევი
და თავზე შემოგევლები,
არ დააფეთო ირმები
და ნისლის მძიმე მტევნები.

ელავენ კლდეთა კბილები.
ვსუნთქავ ნაპრალტა ნასუნთქარს,
მთაო, ნუ ჩამოილევი,
არაგვს მინდორი რად უნდა...

ქარი ქრის, ქარი უბერავს,
ცახცახებს ცეცხლის პეპელა.
მთას შევრჩი, როგორც ღრუბელი,
ღამემ მიშვილა - ბებერმა.

1950