გალაკტიონ ტაბიძე - ყველგან დირიჟორად არის ინჟინერი

ქვეყნად სახლებია, ზღვაზე გემებია,

ყველგან დირიჟორად არის ინჟინერი.

არჩევს ხელსაწყოებს, დაუჩემებია

არტეზიანების გული ნაშენარი.

მისით მანქანები აგუგუნდებიან,

მისით რკინიგზები გადაიხლართება,

მისით ხომალდები შორით ბრუნდებიან,

რთული მექანიკა მწყობრად იმართება.

მიჰყევ, გაუგონე ბორბლებს სიარული,

არის საუკუნე ინდუსტრიალური