ნიკო გომელაური – ‎მე მზადა ვარ გავემგზავრო! ...

‎"მე მზადა ვარ გავემგზავრო!..
-ცოდვა მიმაქვს ბარგად.
არ მინდა ვიდინოზავრო...
თქვენ იყავით მაგრად!

ვცდილობ,გავისწორო ფრთები,
რომ გავბედო ფრენა...
დღეს სიფხიზლით უფრო ვთვრები
-უფრო მიჭრის ენა.

ჰოდა,მოდი,გამატანეთ,
რა გადავცე... იმათ?
მაპატიეთ,რაც კი გავნეთ...
მალე მოვალ წვიმად...

ოქროსი თუ არ იქნება,
წვიმად მოვალ ვერცხლის...
იქნებ ვინმე დაფიქრდება...
იქნებ ვინმე შემცვლის...

მერე,რა ქვეყანას ძრავთ რომ?!
-რაღაც ჭორებს ქარგავთ...
მე მზადა ვარ გავემგზავრო
(აბა,ჰე!.. და კარგად!..)"