ენვერ სალაყაია - შენ როიალს აგუგუნებ ...

შენ როიალს აგუგუნებ,
მე თითებზე გაკვირდები,
მელოდიით ფრთებს,რომ მასხამ
შენს იქით სად გავფრინდები?
სიოს ქარი ენაცვლება,
ტალღა ტალღას აწიოკებს,
ეს დუღილი რომ არა და
ზღვა წყურვილს ვით დაიოკებს.
მაგ ბროლისგან თლილ თითებით
ვით პოულობ ამ ლაღ ფერებს,
ვარდზე ნამსაც შეშურდება,
ცრემლსაც სულს რომ მოაფერებ
შენ როიალს აგუგუნებ,
მე თითებზე გაკვირდები,
მელოდიით ფრთებს რომ მასხამ,
შენს იქით სად გავფრინდები?