ენვერ სალაყაია - ვისაც ჰქონდეს მიემატოს ...

ვისაც ჰქონდეს მიემატოს,
არამქონეს მისცემოდეს,
ქვევრებს ვცლიდეთ ქორწილებში,
ქვევრი ისევ ივსებოდეს.
გახარებულს უხაროდეს,
მწუხარს შვება მისცემოდეს,
ყველა ნატვრა და ოცნება
საქმედ გადაიქცეოდეს.
კეთილს-დაფნა და დიდება!
ბოროტს-არა ღირსებოდეს,
ერთიანი საქართველო
ქართველებით ივსებოდეს.
ყველა მტერი დაგვეჯაბნოს,
განახლება იწყებოდეს,
ვისაც ჰქონდეს მიემატოს,
არამქონეს მისცემოდეს..