ენვერ სალაყაია - ბევრი ვეწამე, ბევრი ვეწვალე ...

ბევრი ვეწამე, ბევრი ვეწვალე,
მაინც ვერ გითხარ როგორ მეწადა,
იმ ტრფიალისთვის სამადლობელი
სიმღერით მსურდა გადამეხადა.
არა,მოდისთვის არ მიცხოვრია,
არასდროს ვიყავ თავაშვებულიც,
მხოლოდ ვნებები მექცა წყურვილად,
სიმღერა მეთქვა ამაღლებული.
თურმე ძნელია სალაპარაკოს,
რომ შეუკეთო ცეცხლი თაკარა,
და დედამიწის შფოთსა და ღელვას
შევუხმიანო გული პატარა.