სადღეგრძელო - ვახტანგ ჭანკოტაძე ( ბოლო ვაგონის ლექსები )

გამარჯობა, ძმობილო,
სადღეგრძელო შენი,
მამულისთვის გეზარდოს,
ასულნი და ძენი.
გაჭირვება გინდ ნახო,
არ შეგშურდეს სხვისა,
მოგცეს: სიბრძნე გველისა,
მუხლის ძალა მგლისა,
სიტკბო `დედას კვერისა~,
საგანძური ზღვისა,
გარჯა ჭიანჭველისა,
საიდუმლო წყლისა,
სინავარდე არწივის,
სიძულვილი მტრისა,
უხვი სითბო დელფინის,
უმანკობა შვლისა,
გამძლეობა აქლემის,
ერთგულება ძაღლის,
სიყვარული მარადი,
წინაპართა სახლის,
ბუსი გქონდეს სიდინჯე,
სირაქლემას რბენა,
მძლავრი ყნოსვა ზვიგენის,
მადლი ფენა-ფენა,
სიდიადე თეთნულდის,
სიყვარული ღვთისა,
მოქნილობა ავაზის,
ულეობა გზისა