ალხაზიშვილი გივი – ალილოს მონატრება

ჭიატებს თვალში ჩაშლილი ბროლი,
არ ვითვლი დღეებს
და ვიხსენებ ვინც საბრალოა.

შენ მალე მოხვალ -
უნდა ვიფხიზლო, რომ თვალი მოვკრა,
როგორ აბრწყინებ
გაყინულ მინას ალმაცერ სხივით.

როგორ აჟღერებ ზანზალაკებს
სიჩუმის გულში
და შენი სუნთქვით,
როგორ ივსება ყოვლი სიტყვა - გაფიქრებისას...

თოვლი სინათლედ ექცა ღამეს
და ვერ დაღამდა,
ვწევარ ოთხად მოკეცილი
და გასუსული ვგრძნობ კელაპტარს,
ჩემს წყვდიადში შენ რომ აანთე...