×

გალაკტიონ ტაბიძე ( გორა-გორა, ვაზი-ვაზი ) " ლექსების კრებულიდან "

გალაკტიონ ტაბიძე ( გორა-გორა, ვაზი-ვაზი ) " ლექსების კრებულიდან "
👍 11
👎 -7
⏱️ 1 წთ. 👁️ 6 889
100%
galaqtion tabidze galaktion tabidze gora gora vazi vazi poezia leqsebi
გორა-გორა, ვაზი-ვაზი,
მთვარით მონამკედარი;
ხევით ხევზე, მთიდან მთაზე,
ეშურება მხედარი.

ფეოდალი ძველისძველი,
მეფეთ შთამომავალი,
ვისიც იყო მთა და ველი
და კოშკები მრავალი,

ახლა მიჰქრის, იგი მიჰქრის,
მერანს ცეცხლი ედება.
არა! ეს გზა არის ფიქრის,
ყველგან რომ ეხეტება.

ნანგრევს იქით, კოშკებს იქით,
სიზმარიც კი მკრთალია.
ეს შრომაა ლალის ჭიქით…
რა დროს ფეოდალია!

შრომით მოველ, შრომით წავალ,
მხოლოდ შრომა ამიერ,
იყოს მრავალ, უფრო მრავალ,
კიდევ მრავალჟამიერ!..
Facebook
კომენტარის დამატება

დატოვეთ კომენტარი