ნოდარ დუმბაძე - ნაცნობი ბაღი

nodar dumbadze nacnobi bagi dumbadze nodar leqsebi leqsebis krebuli poezia
ნაცნობი ბაღი...
ზღვა სიხარული...
ნაცნობი სკამი...
თბილი საღამო...
ჩვენი ოცნება და სიყვარული -
სიცოცხლესავით დაუსაბამო...
იმ დღეებს გულში ვერაფრით წაშლი
და ჩვენ იმ ადგილს ვესტუმრეთ ისევ,
წინ მირბის ჩვენი პატარა ბავშვი
და კაბის კალთას კენჭებით ივსებს.
ორთავეს დაგვღლის ბავშვი თამაშით,
აღარც ისვენებს, არც ეძინება...
ვხედავთ, ჩვენს სკამზე სხედან ქალ-ვაჟი,
დავინახავთ და გაგვეცინება.
- დაბრძანდით!
- არა, არა, იჯექით!
მერე ღიმილით ვუხდით მადლობას,
მოგვყავს პატარა,
ვბრუნდებით უკან
და ბაღში ვტოვებთ ახალგაზრდობას.